Орусиянын президенти Владимир Путиндин Украинага кол салуу чечими британ экономикасынын коронавирустук пандемиядан кийин калыбына келишин кайра артка кетирди. Бул тууралуу премьер-министр Борис Жонсон билдирди, деп билдирет Би-би-си.

“COVID-19 пандемиясынын кесепеттери Улуу Британиянын финансылык кыйынчылыктарынын себептеринин бири, бирок Путиндин Украинага каршы согушу өлкөнүн экономикасын толук калыбына келтирүү мүмкүнчүлүгүн басаңдатты”, -  деди Джонсон.

Джонсон, ошондой эле, Лондондун Украинаны колдоо баасын “өтө кымбат” деп эсептеген коомдун бир бөлүгүнүн алардын позициясынан кабардар экенин айтты. Анын айтымында, мындай адамдар Киевди Путин сураганга макул болууга үндөш керек деп эсептешет. “Бирок андай кылуу мүмкүн эмес”, - деди ал.

Ал, ошондой эле, Путинди “Украинага өз талаптарын канааттандырууга уруксат берсе гана кайтып келип, көбүрөөк талап кыла турган” крокодилге салыштырды.

Орус бийликтери Батыштын Москвага Украинага кол салуусунан улам киргизген санкциялары энергиянын дүйнөлүк баасын көтөрдү деп эсептейт. Анын ичинде Евробиримдик орусиялык газды акырындык менен алып салуу жана Орусиядан мунай экспорттоого жарым-жартылай эмбарго киргизүү ниетин жарыялады, бул дүйнөлүк базарда күйүүчү майдын баасынын кезектеги өсүшүнө алып келди.

Президент Владимир Путин Орусиянын мунай менен газынан толук баш тартуу “жакынкы бир нече жылда” болбойт деп эсептейт.

Булак: NazarNews.kg