www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстанда расмий түрдө 5 миң 322 чет элдик жаран иштейт. Бул тууралуу Эмгек, миграция жана социалдык камсыздоо министринин орун басары Бакыт Дарманкул уулу билдирди.
Алардын ичинен Бангладештен 514 жумушчу, Индиядан – 253, Пакистандан – 919, Египенттен – 15 жана калганы башка мамлекеттен келишкен.
“Чет элдиктер Кыргызстанга жылына 20 миң сом, соода тармагында иштесе 50 миң сом төлөшөт. 5 миң 322 кишиден бир жылда 117 миллион сомдон ашык акча бюджетке түштү”, — дейт Бакыт Дарманкул уулу.
Анын айтымында, чет элдик жарандардын 80 пайызы курулуш жана тигүү тармагында иштешет.
“Бизге курулуш жана тигүү тармагындагы көп ишкерлер чет өлкөдөн жумушчуларды алып келүүгө уруксат берүү өтүнүчү менен кайрылат”, — дейт министрдин орун басары.
Белгилей кетсек, Министрлер кабинети чет элдик жарандарга жумуш квотасын жыл сайын бекитет. 2024-жылы четтен 25 миң кишини (Бишкек — 12 мин 850, Ош — 845)ишке тартууга уруксат берилген.
17-май түнү Бишкекте чет элдик жарандар катышкан мушташтан кийин өткөн митинг башка өлкөдөн келген студенттерге жана алар жашаган жатаканага кол салууга алып келди. Анын жыйынтыгында 15 киши жабыркады.
УКМКнын төрагасы Камчыбек Ташиев өлкөдө 5 миңге жакын чет элдик мыйзамды бузганын, акыркы айда 1500ден ашык пакистандык жана Бангладештин 1000ден ашык жараны өлкөдөн чыгарылганын айткан.
Булак: NazarNews.kg
< Предыдущий
Следующий >
Последние новости
