1-сентябрдан тартып бир китеп үчүн 25 сом төлөнөбү

Журналист: NAZARNEWS

24.05.2017, 0:11

22302

дүйнө жүзүндө

Өткөн жумада Жогорку Кеңештин депутаты Жанар Акаев чет мамлекеттерде билим алуу үчүн Кыргызстанга берилген квоталар ачык бөлүнбөй жатканын айткан. Буга Венгрияга окууга сынак тапшырган балдардын документтери жиберилбей, тизмеге чиновник, депутаттардын уул-кыздары кирип калганын мисал катары келтирген.

Мындай жагдай коомчулукта чоң талкуу жаратты. Мындан улам Билим берүү министрлиги: «Грантка катышкандар кимдин балдары экенинин бизге кызыгы жок. Бизге баланын билим деңгээли, анын жарандык позициясы, өз өлкөсүнө жардам берүүгө умтулуусу жана албетте сырт жакта окууга эмне үчүн кызыгып жаткандыгынын мотивациясы маанилүү», – деген жообун берип, чиновниктердин балдары тууралуу маалыматты ырастаган да, төгүндөгөн да жок.

Бул ызы-чууга чекит коюла электе, министрлик башталгыч класстардын китептерине ижара акысын киргизүү боюнча токтом долбоорун коомдук талкууга койду. Токтом ишке аша турган болсо, окуучулар 1-сентябрдан тартып бир китеп үчүн 25 сом төлөшү керек болот. Коомчулук буга дагы нааразы. Айтор элди иренжиткенден башка иш жүрбөй калды.аракеттер күчөтүлө баштады

Булак: “Фабула”