Сокулук РИИБи дайынсыз жоголгон 2011-жылы туулган Семёнов Данил Сергеевичти издеп жатат.

Ведомствонун басма сөз кызматы билдиргендей, ал 2021-жылдын 19-декабрында саат 15:00 чамасында үйүнөн чыгып кеткен боюнча кайтып барган эмес.

Белгилери: бою 150 см, арык чырай, чачы сары, бетинде сепкилдери бар.

Кийген кийимдери: кара спорттук шым, кара күрмө, кара жилет, бутунда кара бут кийим.

Даниил чоң энеси менен бирге жашайт жана буга чейин да үйдөн бир нече жолу качып кеткен.

Милиция Даниил тууралуу маалыматы бар жарандардан төмөнкү телефондор аркылуу кабарлап коюуну өтүнөт:

- Чүй ОИИБдин нөөмөт бөлүмү: (0312) 43-01-27, (0312) 43-88-85;

- Сокулук РИИБдин нөөмөт бөлүмү (0312) 60-75-67, 0558 86 14 86,0709 35-35-29 (издөө тобу).

Булак: NazarNews.kg