Бүгүн күндүз өлкөнүн тоолуу райондорунда кар жаашы күтүлөт. Кыргызгидромет борбору билдиргендей, айрым жерлерде туман түшүшү күтүлөт.Жолдор тоңголок жана тайгак болот.

Батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетиши күтүлөт.

Абанын температурасы Чүй облусунда күндүз 10…15, Таласта 8…13, Ысык-Көл облусунда күндүз 3…8 жана Нарында -4…+1 градуска жетет.

Ал эми Ош, Жалал-Абад жана Баткен облустарында күндүзгү абанын табы 13…18 градуска чейин көтөрүлөт.

Бишкек шаарында жаан-чачын ыктымалдыгы аз, күндүз 13…15 градус жылуу болот.

Булак: NazarNews.kg