www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Алматы шаарынын жашоочулары полиция менен бирге 4 жаштагы баланы унаасы менен сүзүп кетип, үстүн жаап, бадалдын түбүнө таштап кеткен айдоочуну издөөдө. Оорудан онтоп, башы канга боёлгон баланы ошол жерден өтүп бараткан аял кокустан таап алган.
Баланы таап алган аял аны видеого тартып, туугандарын издөөгө аракет жасаган. Бул окуя интернет колдонуучуларынын үшүн алды.
Окуя 16-июлда Алматынын Чыгыш айланма автожолунун тегерегинде болгон. Жабыр тарткан баланын ата-энеси социалдык түйүндөрдүн жардамы аркылуу табылды. “Мен жумушка кетип бараткам, балдар короодо ойноп жатышкан. Мен аларга үйгө киргиле деп кыйкыргам. Анан жумуштан мага бул роликти көрсөтүштү, эс-учумду жоготуп койдум. Азыр дагы сүйлөй албай жатам, оор болууда”,-деди атасы Мурат Аскарулы.
Наристе азыр ооруканада комада жатат. Аны жасалма жол менен дем алдырышууда.
Баланы сүзүп кеткен айдоочу алгачкы медициналык жардам көрсөткөн эмес. Ал баланы жабуу менен жаап, бадалдын түбүнө таштап койгон. Наристени таап алган аял дагы, видеону социалдык түйүндөрдөн көргөн казакстандыктар дагы айдоочу кудай алдында жооп берерин айтышууда.
Алматы полициясы шектүүнү таба элек жана 16-июлда болгон жол кырсыгы тууралуу билгендер болсо кабарлап коюуну өтүнүүдө.
Булак: "centralasian.org"
< Предыдущий
Следующий >
Последние новости
