АКШда жаш бала үйүндө 16 саат коронавирус аныкталган энесинин жансыз денеси менен отурду. Бул тууралуу WGXA телеканалы билдирди.

Маалыматка ылайык, 42 жаштагы маммолог-врачтын сөөгү өзүнүн үйүнөн табылды. COVID-19 инфекциясына анализ тапшырып, жыйынтыгында коронавирус аныкталган.

Алдын ала алынган маалыматтар боюнча, полиция кызматкерлери сөөктү тапканда, ал 12-16 саат мурун эле каза болгону маалым болгон. Мындан сырткары, ошол учурда үйдө кичинекей жаш бала бар болчу. Ал болжол менен 4 же 5 жашта.

Маркум иштеген оорукана аял менен контактка барган бардык кызматкерлер жана бейтаптар менен байланышты.

Белгилей кетсек, Бүткүл дүйнөлүк саламаттыкты сактоо уюму 11-мартта жаңы типтеги коронавирусту пандемия деп жарыялаган. Акыркы маалыматтар боюнча дүйнө жүзүндө 500 миң адам жуктуруп, 21 миң адам көз жумду жана 114 миң адам айыкты.

Булак: NazarNews.kg