Усть-Каменогорскиде ит талап каза болгон кыздын жакындары окуя кандай болгонун айтып беришти, деп жазат noks.kz. басылмасы.

“Кайгылуу окуя Лесхоз айылында болгон. Кыз короодо ойноп жүргөн жеринен, жолбун ит келип, ага кол салган. Короодо үйдүн ити бар болчу. Бирок окуядан кийин ал жоголуп кетти. Кыздын ата-энеси шок абалда, дагы деле эстерине келе албай жатышат …”,- деген маркумдун эжеси.

Бул окуя интернет колдонуучуларнын арасында пикир туудуруп, ата – энелерди балдарын кароосуз калтырбоого чакырууда.

17-декабрда Чыгыш Казакстан облустук ички иштер башкармалыгы бул окуя боюнча Иртыш РИИБи сотко чейинки иликтөө иштерин баштаганын билдирди. Тийиштүү соттук-медициналык экспертизалар дайындалып, жагдайларды толук аныктоо үчүн зарыл болгон тергөө аракеттери жүргүзүлүүдө. Башка маалыматтар азырынча айтылбай турганы да белгиленди. 

Булак: NazarNews.kg