Абактардан кимдер мунапыс менен бошотулат?

Журналист: АЙБАР АБДЫЛДАБЕКОВ

24.11.2023, 11:05

42503

кылмыш жана кырсык

Мунапыс жөнүндөгү мыйзам долбоору парламентте 3-окуудан кабыл алынды. «Назарньюс» маалыматтык порталынын билдиргенине караганда Кыргызстандын абактарында жазасын өтөп жаткан адамдардын айрымдарына мунапыс берүү жөнүндө мыйзамга ылайык, оор эмес кылмыш кылганы үчүн айыпталган төмөнкү адамдар жаза өтөөдөн бошотулат:

- жашы 55тен жогорку аялдар жана жашы 60тан жогорку эркектер;
- I - II - топтогу майыптыгы бар адамдар, үй-бүлөсүнүн жалгыз багуучусу, эки же андан ашык жашы жете элек же майыптыгы бар балалуулар;
- биринчи ирет соттолгондор, жалгыз бой энелер, көп балалуу аялдар;
- мыйзам күчүнө кирген күнгө карата бир жылга жетпеген жаза мөөнөтү калган аялдар, жашы жете элек өспүрүмдөр.

Баш мыйзамдын 30 жылдыгына жана Адам укуктарынын жалпыга таанылган декларациясынын 75 жылдыгына байланыштуу мунапыска жалпысынан 1986 адам кабылат. Жаза аткаруу кызматынын бүгүнкү маалыматына караганда, Кыргызстанда соттолгондордун жалпы саны 7402 адам, алардын 6495и абакта отурат

Азизбек КЕЛДИБЕКОВ, NazarNews.kg