Депутат Абдыкапар Султанов “Кыргызтемиржолу” ишканасындагы көйгөйлөрдү көтөрүп келет. Бул жолу дагы парламентте аталган ишканага токтолду. Вагон жетишсиздигинен болжол менен 10 миллион АКШ долларынын өлчөмүндөгү өндүрүлгөн товарлар (80-90 тонна) сыртка чыкпай калгандыгын маалымдады. “Түштүк жергесинде өндүрүлгөн товар даяр, аны ала турган коңшу мамлекеттерден кардарлар да даяр, бир гана жүк ташуучу вагондун жетишсиздигинен өндүрүүчүлөр товарларын сата албай жатат”,- дейт депутат. А.Султанов бул маселени Жогорку Кеңештин тармактык комитетинин жыйында өзүнчө маселе катары карап, тиешелүү чечим кабыл алуу керектигин сунуш кылды.

Булак: «NazarNews.kg»