Түштүк Африка республикасынын Леди-Фрер айылында мал багуучу фермада койлорду төлдөтүү учурунда адамга окшош өлүк козу туулду. Бул тууралуу Herald Live жазып чыкты.

Жергиликтүү аксакалдар адам түспөлдөш козуну “шайтандын айла амалдары” деп билдиришкен. Жалпыга маалымдоо каражаттары козуну сүрөткө тартып, коомчулукка жайылткандан кийин, эл арасында кызуу талкууга алынып, басымдуу бөлүгү “жаман рухтар” деп жоромолдошкон.

Ал эми Түштүк Африканын бийлиги изилдөө иштерин жүргүзүү үчүн адистерди жиберген. Ал эми мал догдурлар, козу чынында эле адамга окшош туулганын, бирок ал үстүртөн окшоштук болуп жатканын айтууда.

Учурда козунун айланасында түрдүү пикирлер жаралып жатат.

Булак: "5news.kg"