Президент Садыр Жапаров канайым Айгүл Жапарованын "Алтын балалык" реабилитациялык борборуна берген 500 миң сому тууралуу бүгүнкү маалымат жыйын учурунда айтты. Журналисттер ал каражат кайдан алынганына кызыгышты.

"Бул сумманы бир туугандарым, Жапаровдор чогултуп берген. Айгүл Жапарова сөзгө чоркоктук кылдыбы, сүрдөдүбү, айтор, салып эле кетип калыптыр. Министрге мен ага чейин айткам, маалымат берип коюш керек эле деп. Биз 11 бир тууганбыз. Алардын бири каза болуп калган. Калган онубуз 50 миңден чогултуп, конвертке салганбыз. Баарыбыз барбайлы деп, Айгүл Жапарова гана алып кеткен", — деди президент.

Эске салсак, президент бүгүн "Ала-Арча" мамлекеттик резиденциясында жыйынтыктоочу маалымат жыйынын өткөрүп, журналисттердин суроолоруна жооп берип жатат.

Булак: NazarNews.kg