КР Айыл, суу чарба жана аймактарды өнүктүрүү министрлиги ички өндүрүүчүлөргө түрткү берүүнүн алкагында 15 миң тонна буудай сатып алат. Бул тууралуу бүгүн, 24-сентябрда өткөн маалымат жыйынында айыл чарба министринин орун басары Азамат Мукашев билдирди.

Анын айтымында, дан мамлекеттик материалдык резервдер фондуна жөнөтүлөт.

«Азыркы учурда жалпы пландалган көлөмдүн 60%ы сатылып алынды», - деди ал.

Белгилүү болгондой, бул акция КР министрлер кабинетинин квотасына ылайык жүргүзүлүүдө.

Булак: NazarNews.kg