Пандемия учурунда, чек ара жабык, жумушсуздук күчөп эл айласын таппай муӊкүрөп турган учурда тарифтерди, бааларды акылсыздар менен эл душмандары көтөрөт. Мындай пикирин экономика илиминин доктору Айылчы Сарыбаев өзүнүн Facebook баракчасына жазып чыкты.

«Пандемия учурунда, чек ара жабык, жумушсуздук күчөп эл айласын таппай муӊкүрөп турган учурда тарифтерди, бааларды акылсыздар менен эл душмандары көтөрөт. Эгерде тарифтер менен баалар көтөрүлсө бул менин мамлекетим эмес, душмандарымдын өлкөсү деп эсептейм. Душмандарга душмандай мамиле кылыш керек. Өзгөчө анализдерди тапшыруу, дарылоо жана вакциналоо бекер болуш керек.  Болбосо мындай мамлекеттин кимге кереги бар. Оюнарды айткыла», - деп белгилеген ал.

Булак: NazarNews.kg