Кыргызстандык балбан Айаал Лазарев Париждеги Олимпиада оюндарында коло медаль үчүн күрөшөт.

Ал эркин күрөш боюнча турнирге 125 килограммга чейинки салмак ченинде катышууда.

Ал 9-августта 1/8 финалдык баскычтан баштап, дүйнөлүк рейтингде биринчи орунда турган Ирандын спортчусунан утулуп калган. Финалга Ирандын спортчусу чыгып, Лазарев коло медаль үчүн жубатуучу мелдешке катышууга мүмкүнчүлүк алган.

Бүгүн, 10-августта ал канадалык Амарвир Дхеси менен беттешип, аны тушеге басып, жеңип алды.

Эми Лазарев коло медаль үчүн күрөшөт, анын атаандашы 2016-жылдагы Олимпиада чемпиону, дүйнөнүн эки жолку жана Европанын он жолку чемпиону түркиялык Таха Акгүл болмокчу.