«Жоопко тартуу эч качан адалдаштырууга айланбашы керек», - деди бүгүн, 13-майда NazarNews маалымат агенттигине эксперт Айбек Теңизбаев.

- Ширшовдун камалгандан чыкканы бат болду. Аны адалдоо арактеи жүрүп жатабы?

- Коррупция менен күрөшүүдө эң биринчи ушуга окшош инсандарды жазага тартуу керек. Ансыз коррупция менен күрөшүүгө дагы эч ким ишенбейт, жана ал аракет натыйжасын бербейт. Бирок тилекке каршы, Кыргызстанда коррупция менен күрөшүүдө эки чоң кемчилик байкалууда. Биринчиден, тандоо иретинде мамиле кылуу.

 Экинчиден, «кустуризация» деп аталгандай белгилүү бир сандагы, бирок аз сандагы айып пул токтуруп туруп, анын ишин жана келечегин адалдаштырып берүү. Ширшовдун достору, тааныштары бийликти курчап турганда кайсыл сценарий менен бул окуя өнүгөөрүн айтуу оорчулук жаратпагандай.

Жоопко тартуу эч качан адалдаштырууга айланбашы керек. Антпесе ал кадам кайра бийликке каршы ойной баштайт.

Булак: NazarNews.kg