Айпери Медет кызы Парижде өтүп жаткан Олимпиада оюндарында финалга чыга алган жок.

Ал эркин күрөш боюнча мелдешке 76 килограммга чейинки салмак ченинде катышып, 1/8 финалдан баштаган.

Алгачкы беттеште кыргызстандык кыз Кытайдын өкүлүн, ал эми чейрек финалда Индиянын спортчусун жеңген.

Жарым финалдык беттеште Медет кызы америкалык Кеннеди Блэйдс менен беттешип, ага 6:8 эсебинде жеңилип калды.

11-августта кыргызстандык спортчу коло медаль үчүн мелдешке чыгат.