Социалдык өнүктүрүү министри Таалайкүл Исакунова деген эже өз каалагандай чартаңдап, өз билгенин кылып жүргөндүгү тууралуу кулагыбыз чалган. Мындан төрт ай мурун Исакунова тууралуу жазган элек.

Кайра башынан...

Океандын ары жагындагы Америка өлкөсүнөн алакандай тоголок кат келет. Катта АКШнын “жетим балдарды асырап алуу” боюнча бир уюм чоң жыйын өткөрүп жаткандыгы, жана ага катышууга Кыргызстандын социалдык өнүктүрүү министрлигинен 5 адам келип катышуусун өтүнүшөт. Адатта мындай тышкы өлкөлөрдөн келген сунуштарга өкмөт башчы уруксаат бериши керек эмеспи, Сапар Исаков бул боюнча маалыматты карап чыгып, уюмдун ишмердүүлүгү анчейин эмес экендигинен улам барбайсыңар деп так кесе жооп узаткан экен.

Бирок ээлигип алган Исакунова, өткөн жылдын ноябрдын башында күйөөсү баласын алып АКШны көздөй сапар алат. Ал эми анын артынан эки үч күндөн кийин, социалдык өнүктүрүү министрлигинин төрт кызматкери да учуп барышкан экен. Кызыгы министрдин үй-бүлөөсү АКШнын жанагы уюму каржылаган мейманканада кызматкерлер менен чогуу болуп, Исакунова жыйынга отурбай шаар айланып көрүп жүрүп эле кайра кайтып келишкен экен.

Айтса айтпаса төгүнбү Исакунованын бул кылыгы өкмөт башчы Сапар Исаковго жетип, Исакунованы чакыртып, арызыңызды жазып бошотуп бериңиз орунду деп сылык узаткан экен. Өкмөт башчынын жүзүнө карап өз күнөөсүн моюндаган Исакунова чыгып эле атасына даттангандай Шаршенбек Абдыкеримовго даттанып, эптеп алып калуусун өтүнөт.

Эжекесин кыя албаган Абдыкеримов, Исаковго чалып ортого түшүп ордунда калып иштеп жаткандагы кербези экен. Анысы го мейли дечи бирок кооптондурган маселе эгер Исаков барбагыла деп жөнөтпөй жаткан уюмдун жыйынына барган Исакунова кандай максатта, эмне боюнча жыйынга баргандыгын бир кудай менен Исакунова билбесе ким билет.

Экинчиден бизде УКМК деген кызмат демейде самолётко ким менен качан канчада учканын иликтөөгө ала калмайы бар эле, кантип күйөөсү аялынын учуп кетип жатканынан кабар албай калды? Балким АКШдагы уюм бала асырап алуу боюнча иш алып барат экен, баягы багаар көрөөрү жок жетим бөбөктөрдү сата турган доорго баш багып жатабы?, деген суроо туулат.

Балээнин баары ушул жактан чыгып жаткан болуп жүрбөсүн. Балким тиешелүү органдар териштирүүгө алаттыр. Же бирөөнүн шарапаты менен Исакунова,Исаковду тоготпой жүрө береби деген жоопсуз суроолорго балким тиешелүү кызматтар чекит коет деп үмүт кылып туралы, деп жазганбыз. 

Тилекке каршы, бул маалымат чыккандан бери деле Ак үй тарапта жымжырттык өкүм сүрүүдө. Урматтуу Сооронбай Шарипович, ушул окуя боюнча "изилдетип же мизилдетип" койсоңуз жакшы болот беле?

Булак: NazarNews.kg