Мурда жоюлуп кеткен Казак илимдер академиясынын 75 жылдыгы белгиленип, анын макамы кайра каралып, Казакстандын президенти К.Токаев өз сөзүндө академия мамлекеттик символдордун бири экендигин белгилөө менен аны кайра калыбына келтирүү чечимин кабыл алган.

Ошону менен бирге академиянын имараттарын кайтарып берүү, каржылоону 70 пайызга көбөйтүү жагы да каралган. Казакстан бийлиги мурда кетирген каталыгын мойнуна алып, илимдер академиясын кайра калыбына келтирип жатат.

Бизде болсо илимдин баркын билбеген сабатсыздар тарабынан Улуттук илимдер академиясына акаарат айтылып, анын ботаникалык багына, имараттарына көз арткан коррупционерлер да бар.

Булак: Азия News гезити