www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Орусия Украинага аскердик чабуул жасап баштагандан бери жети миңден ашуун орус аскер кызматкери набыт болду. Бул Ирак жана Ооганстанда 20 жыл аралыгында өлтүрүлгөн америкалык аскерлердин жалпы санынан да көп. Бул тууралуу The New York Times АКШ чалгынынын маалыматына таянып билдирди.
Гезиттин жазганына караганда, 14 миңден 21 миңге чейин орусиялык жоокер жаракат алган. Бардыгы болуп Украина аймагындагы согушка 150 миңге чейин орус аскерлери тартылган.
Гезит булактары - орус армиясынын жоготуулары жөнүндө маалымат болжолдуу экенине жана ачык булактардагы маалыматтардын негизинде, анын ичинде Украина Коргоо министрлиги менен спутниктен алынган сүрөттөргө таянылганына көңүл бурушкан.
Украина бийлиги Орусия агрессиясы башталгандан бери 14 миң аскерин жоготконун ырастоодо. Орусия Коргоо министрлиги болсо украин тараптын жоготуулары 18 миңден ашканын билдирүүдө.
Орусия өзүнүн жоготуулары жөнүндө орус Коргоо министрлиги бир гана жолу маалымат берген. 2-мартта министрлик 498 аскер кызматкери өлгөнүн кабарлаган. Украин президенти Владимир Зеленский жума башында 1300 украин аскери мерт болгонун айткан. Согуш учурунда жоолошкон тараптардын маалыматтарын текшерүү мүмкүн эмес болууда.
Булак: NazarNews.kg
< Предыдущий
Следующий >
Последние новости
