АКШ президентинин атайын өкүлү Стив Уиткофф 13-мартта орус лидери Владимир Путиндин Беларус президенти Александр Лукашенко менен сүйлөшүүлөрүнүн аякташын сегиз саат күткөн. Бул тууралуу Sky News кабарлады.

Маалыматка ылайык, Стив Уиткофф орус лидерин сегиз саат күтүүгө аргасыз болгон. Андан соң атайын өкүл Путин менен жолугушууга жетишкен.

"Акыры ал (Владимир Путин) Уиткофф караңгы түшкөндө, баары жабык эшик артында убакыт бөлдү", — деп айтылат билдирүүдө.

Sky News телеканалы Уиткоффдун Путин менен жолугушуу үчүн мынчалык көп күтүүгө туура келгенин Орусиянын “классикалык күч оюну” деп атады.

Путиндин күтүү тактикасы

Путин дайыма дүйнөлүк лидерлерди аны күтүүгө мажбурлап келет, муну КГБнын мурдагы офицери психологиялык тактика катары чечмелейт. Путинге, Германиянын мурдагы канцлери Ангела Меркелге жана Украинанын мурдагы президенти Виктор Януковичти төрт сааттай күттүргөн.

Япония, Монголия жана Израилдин лидерлери Путинди үч саатка чейин күтүүгө аргасыз болгон. 2003-жылы Путин Улуу Британиянын ханышасы Елизавета IIни дээрлик 15 мүнөт күттүрүп койгон.

2012-жылы АКШнын ошол кездеги президенти Барак Обама Путиндин кечигип келгендигине байланыштуу жолугушуудан кийинки пландарын 40 мүнөткө жылдырууга аргасыз болгон.

Талдоочулар Путиндин бул кадамы менен өнөктөштөрүн таң калтырып, сүйлөшүүлөрдө артыкчылыкка ээ болуу максатын көздөйт деп эсептешет. Бул ыкма негизинен Москванын көз жаздымында калган жетекчилерге каршы колдонулган.

Мухаммад Хадиев, Ташкен