Ооганстанда кыздардын билим алуусу калыбына келтирилбесе, АКШ Батыштагы өнөктөштөрү менен «Талибанга» каршы чара көрөт. Мындай эскертүүнү кечээ, 22-декабрда АКШнын мамлекеттик катчысы Энтони Блинкен жылдын жыйынтыгы боюнча маалымат жыйынында айтты.

«Эгер бул (кыздардын окуусун токтотуу чечими – ред.) жокко чыгарылбаса, өзгөртүлбөсө Талибан кыймылы үчүн салымдар болот. Мен алар тууралуу бүгүн майда-чүйдөсүнө чейин айтпай эле коёюн, бирок биз муну союздаштар жана өнөктөштөр менен иш-аракеттерди координациялоо аркылуу жасайбыз», - дейт америкалык дипломатиянын жетекчиси.

Анын айтымында, «Талибан» дүйнөлүк коомчулук менен мамилени жакшыртууга умтулат.

Эскерте кетсек, үстүбүздөгү жылдын 21-декабрында «Талибан» кыймылы өлкөнүн жогорку окуу жайларынан кийинки эскертүүгө чейин студент кыздар үчүн сабактарды токтотууну талап кылган. Андан соң АКШ администрациясы өнөктөштөрү менен биргеликте Ооганстандагы жогорку окуу жайларында кыздардын окуусу токтотулганына байланыштуу «Талибан» кыймылына каршы чараларды көрүүнү пландап жатканы белгилүү болду.

Талибдердин айтымында, мындай чечимге «университеттин жатаканаларында аялдардын болушу жана алардын облустардан окуу үчүн эркектердин коштоосуз келиши, студент кыздардын хиджаб кийүү эрежелерин сактабагандыгы, ал эми аялдардын чогуу окуганы, кээ бир факультеттерде кыздарды окутуп жатканы ислам шариятына жана афгандардын текебердигине каршы.

Булак: NazarNews.kg