АКШ Украинага өнүккөн ракеталык системаларды жана ок-дарыларды берет. Бул тууралуу АКШнын президенти Джо Байден кечээ, 31-майда The New York Times гезитинде жарыяланган макаласында билдирди.

«Биз Украина согуш талаасында согушуп, сүйлөшүү үстөлүндө эң күчтүү позицияны ээлеши үчүн көп сандагы курал-жарактарды жана ок-дарыларды жөнөтүүгө тездик менен өттүк. Ошондуктан мен украиндерге Украинадагы согуш талаасындагы негизги буталарды так атууга мүмкүндүк бере турган заманбап ракеталык системаларды жана ок-дарыларды берүүнү чечтим», - деди Байден.

Президент АКШ Украинага өнүккөн курал системаларын, анын ичинде Stinger мобилдик зениттик-ракеталык комплекстерин жана танкка каршы Javelin системаларын, артиллерияны жана Ми-17 тик учактарын берүүнү уланта турганын жазган.

«Биз Украинага өнүккөн курал-жарактарды, анын ичинде Javelin танкка каршы ракеталарын, Стингер зениттик ракеталарын, күчтүү артиллерия жана жогорку тактыктагы ракеталык системаларды, радарларды, учкучсуз учактарды, Ми-17 тик учактарын жана ок-дарыларды берүүнү улантабыз», - деди Байден.

АКШ Украинаны анын чегинен тышкары сокку урбоого үндөйт жана Киевге мындай мүмкүнчүлүктөрдү бербейт, деди АКШ президенти. Анын айтымында, Кошмо Штаттар жаңжалды «Орусияга зыян келтирип» узарткысы келбейт.

Ошону менен бирге АКШ администрациясынын башчысы АКШ жана башка союздаштар НАТОнун чыгыш канатын күчтөр жана мүмкүнчүлүктөр аркылуу чыңдоону уланта беришерин баса белгиледи.

«Жакында мен Финляндия менен Швециянын НАТОго кирүү демилгесин кубаттадым. Бул кадам эки демократиялык жана аскерий потенциалдуу өнөктөштөрдү кошуу менен АКШнын жана трансатлантикалык коопсуздукту бекемдейт», - деди Байден.

Булак: NazarNews.kg