АКШ Конгрессинин Өкүлдөр палатасынын Республикалык партиясынан бир катар мүчөлөрү президент Джо Байдендин ийгиликсиз миграция саясаты үчүн ага импичмент жарыялоону талап кылышты. Бул тууралуу The Hill жазат.

"Президент Байден биздин түштүк чек араларыбызга чабуул жасоо менен Америка элинин коопсуздугуна атайылап коркунуч келтирип жатат", - деди Боб Гуд (Р-Виржиния).

Аны конгрессмен Марджори Тейлор Грин жана башка бир катар саясатчылар да колдошкон.

Республикачылардын айтымында, Байден "АКШ чек арасын оперативдүү көзөмөлдөөнү иш жүзүндө мексикалык кылмыштуу картелдерге өткөрүп берген".

Эске салсак, 2021-жылдын октябрына карата АКШ-Мексика мамлекеттик чек арасына акыркы 35 жылда мыйзамсыз мигранттардын рекорддук агымы катталды.

Америка Кошмо Штаттарынын Чек ара жана Бажы кызматы 2021-жылда 1,7 миллион тартип бузуучуну кармады. Бул америкалык президентти жана башка жогорку даражалуу саясатчыларды катуу сынга алып келди.

Булак: NazarNews.kg