Акүй: Трамп 16-январда Назарбаевди кабыл алат

Журналист: NAZARNEWS

11.01.2018, 2:35

20068

дүйнө жүзүндө

АКШ президенти Дональд Трамп 16-январда Вашингтондо Казакстандын президенти Нурсултан Назарбаев менен жолугушат.

9-январда Акүй тараткан маалыматка караганда, эки өлкө лидери аймактык коопсуздук жана экономикалык кызматташтык боюнча стратегиялык өнөктөштүктү бекемдөө жана кеңейтүү жолдорун талкуулашат.

Трамп менен Назарбаевдин жолугушуусунда бир катар эл аралык маселелер, анын ичинде Ооганстан жөнүндө сөз болот. Бул темалар айдын соңуна чейин БУУнун коопуздук кеңешинде дагы талкууланат.

Кечээ, 9-январда Назарбаев Астанада АКШнын Казакстандагы элчиси Жордж Кролду кабыл алган. Казак администрациясы 26 жыл мурун түзүлгөн достук мамилелерди өнүктүрүүгө аракет жасай турганын билдирген. Назарбаев америкалык элчи менен жолугушууда терроризм, соода жана инвестицияны кеңейтүү боюнча мындан ары да кызматташууга үмүт арткан.

Назарбаевдин билдиришинче, Казакстанда америкалык капиталдын катышуусунда 500дөй компания иштейт. Алар товар өндүрүү, өз продукцияларын экспорттоо менен алектенет.

Булак: "centralasian"