www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Министрлер кабинетинин төрагасы Акылбек Жапаров "Минск автомобиль заводу" ААКы сыноо мөөнөтү үчүн жиберген беларус өндүрүшүндөгү жаңы жүргүнчүлөр автобусун көрдү. Бул тууралуу өкмөт билдирди.
Калаа мэри Айбек Жунушалиев бул автобус шаардык каттамдарда эл ташууга ылайыкталганын билдирген.
"Автобустун майыптардын коляскасы үчүн бүктөлүүчү тепкичи, жүргүнчүлөрдүн кирип-чыгышы үчүн книлинг системасы жана мүмкүнчүлүгү чектелген адамдардын тийиштүү шаймандарын бекитүү үчүн жабдуулар каралган", — деп айтылат маалыматта.
Акылбек Жапаров ошондой эле Бишкек шаарынын мэриясынын шаардык транспорт башкармалыгына барып, андагы автобустар паркынын абалын дагы көргөн.
Маалым болгондой, автопарктын балансында 476 транспорт бирдиги бар, ал эми 300дөн ашуун автобус бузулгандыгына байланыштуу эсептен чыгарылууга тийиш.
Жапаров шаардыктарды ыңгайлуу жана коопсуз транспорт менен камсыздоо зарыл экенин белгиледи.
"Бардык нерсе шаардыктардын ыңгайы үчүн жасалышы керек. Автобус паркын толугу менен жаңылап, шаардын бардык ички көчөлөрүн оңдоо зарыл. Жөө адамдар өтүүчү өтмөктөрдүн жана аллеялардын абалына өзгөчө көңүл буруу керек. Ошондой эле таштандыларды сорттоочу заводдун курулушун тездетүү зарыл", — деген ал.
Министрлер кабинетинин төрагасы Гареев атындагы Ботаникалык бакка барып, ал жактагы көйгөйлөрдү дагы уккан.
Булак: NazarNews.kg
< Предыдущий
Следующий >
Последние новости
