Нидерландынын Делфт техникалык университетинин адистери “акылдуу” төшөлгөн жол ойлоп табышты. Анын өзүн калыбына келтирген жана электркарларга заряд берген функциялары бар. “Акылдуу” асфальттын сыры – болоттон (сталь) жасалган була аркылуу ток жиберилет. Мындай төшөлгөн жол бир аз бузулган жерлерди жылытуу жолу менен калыбына келтирет, ошондой эле электромобилдерди жүрүп бараткан жеринен заряд берип турат. Жаңы төшөлгөн жолдун баасы кадимки асфалть жолдон 25% кымбат, бирок ишенимдүүлүгү эки эсе жогору, Голландия жол иштерине короткон чыгымдан жылына 100 млн евро үнөмдөп калат. Азыркы тапта “акылдуу” асфальтты 12 трассада текшерип жатышат. Мурда Улуу Британияда биринчилерден болуп иштетилген пластиктен жол салышкан.

Булак: «NazarNews.kg»