Беларус президенти Александр Лукашенко Украинанын президенти Владимир Зеленскийди “башы жок” деп атады. Бул тууралуу ал “Соловьёв Live” телеканалына берген маегинде билдирди.

Лукашенко Зеленскийдин Орусиянын Украинага ыктымал чабуулу тууралуу айткандарына көңүлү калганын айтты.

“Зеленский, мени кечир, мен сени биринчи жолу башы жок деп айтам. Мен анын мындай кылык-жоруктарын күтпөгөнүм менен ал, «жок, жок, согуш болбойт, согуш болбойт» деп кыйкыра баштады. Бирок ал “согуш болот, (Орусия менен Белоруссия) кол салабыз”, деген сөздөрдү айттырыш үчүн аракет кылып жатышат», - деди Лукашенко.

Лукашенко ошондой эле Зеленскийди өзөктүк куралы жок аморфтук адам деп атады.

Украин-орус чатагы

Акыркы убакта орус-украин чатагы олуттуу болуп баратат. Бир тарапта Киевди колдогон АКШ жана НАТО, экинчи тарапта согушка каршы аскердик даярдыктарды баштаган Орусия.

Украин тараптан АКШ Киевге 200 миллион доллар, 500 тоннага жакын курал-жарак, 300 Jevelin танкка каршы ок атуучу курал жана МИ-17 үлгүсүндөгү беш тик учак бергенин билдирди. Ал ошондой эле 8500 аскерин Чыгыш Европага жөнөтүүгө даяр турганын айтты.

Британиянын Коргоо министрлиги Украинага 30 элиталык аскер, 2000 танкка каршы ракета жана курал-жарак жөнөтүлгөнүн билдирди.

Орусия болсо Украинаны шылтоолоп, НАТОнун Чыгыш Европага жылышын айыптап, ага каршы өз аймагында жана Беларустун Украина менен чек арасында 100 миңден ашуун аскер жана аскердик техника топтоду.

Диёра Абдурахмонова, Ташкент

Булак: NazarNews.kg