Алматыда кармалган төрт кыргыз жараны бошотулуп жатат. Бул тууралуу маалыматты бүгүн, 15-январда Кыргызстандын Алматыдагы башкы консулу Назарали Арипов билдирди.

«Жергиликтүү бийлик, жергиликтүү ички иштер бөлүмү жана Карасай районунун прокуратурасы жардам беришти. Баары жакшы, аларды бошотуп жатышат», - деди ал.

Мындан тышкары Арипов, алар менен жолугушуудан жаңы эле чыкканын, жана алар бир сааттан кийин коё берилээрин айтты.

Эске салсак, Казакстандан көтөрүлүшкө шектелип 40 ашуун Кыргызстандык жаран кармалып кайра коё берилген. Алардын көбү эмгек мигранты болгон.

Булак: NazarNews.kg