«Айзада акылдуу, кыйын кыз эле», - деди бүгүн, 8-апрелде NazarNews маалымат агенттигине зөөкүрлөрдүн колунан каза болгон Канатбекова Айзаданын мугалими Aнипа Эгемназарова.

- Мен окуткан Айзада аябай жакшы окуган, лидерлик сапаты бар, бою узун жылдыздуу, күлүп-жайнаган жайдары кыз болчу. Ал мектепти кызыл аттестат менен аяктаган. Мен аны келечекте министр, депутат болсо керек деп ойлочумун. Акылдуу, кыйын кыз эле. Азыр анын күлгөн, жымыңдаган көзүн элестетип, элеси көз алдыма келип жатат. Кайран Айзада, зөөкүрдүн туткунуна түшүп калган экенсиң. Өмүрүң кыска экен, жаның жанатта болсун. Билгенге кыргыз дагы бир билимдүү, акылдуу бир кыргызынан айрылды.

Булак: NazarNews.kg