Кыргызстанда Улуу Ата Мекендик согуштагы Жеңиштин 80 жылдыгына арналган веложүрүш болуп өттү. Бул иш-чараны «Евразия» Автономдуу коммерциялык эмес уюму уюштурду.

29-30-март күндөрү өткөн веложүрүшкө 30дан ашуун велосипедчи-любительдер, анын ичинде «Евразия» уюмунун ыктыярчылары да катышты.

Веложүрүш «Эстелик көпүрөсү» урааны менен өтүп, катышуучулар Улуу Ата Мекендик согуш мезгилиндеги ырлардын коштоосунда кыймылдашты.

Маршрут жаратылышы укмуштуудай кооз аймактарды камтып, Балыкчы шаарынан башталып, өлкөбүздүн үчүнчү чоң шаары болгон Жалал-Абадга чейин созулду. Жүрүштүн акыркы чекити тоолуу Казарман айылында болду, бул болсо маршрутка өзгөчө кызыкчылык кошту.

«Веложүрүш – бул республиканын кооз жерлерине саякат кылуунун мыкты жолу. Андан да маанилүүсү, биз бул иш-чараны Улуу Ата Мекендик согуштагы Жеңиштин мааракесине, бизге тынчтык жана жарык келечек тартуулаган ата-бабаларыбыздын эрдигине арнадык», – деп белгиледи уюштуруучу Талгат Арыкбаев.

Мындан тышкары, катышуучулар мындай иш-чаралар ден соолукка пайдалуу жашоо образын жайылтууга гана эмес, жаштар арасында патриоттук рухту бекемдөөгө да өбөлгө түзөрүн белгилешти.

Уюм жөнүндө:

«Евразия» АНО – эл аралык кызматташуунун өнүгүшүнө көмөк көрсөтүүчү автономдуу коммерциялык эмес уюм. Ал салттуу баалуулуктарды сактоо жана улуттар аралык байланыштарды өнүктүрүүгө багытталган гуманитардык долбоорлорду ишке ашырат. «Евразия» коомдук маанилүү демилгелерди колдоп, ар түрдүү маданияттагы адамдарга баарлашуу мүмкүнчүлүгүн берет. Ошондой эле билим берүү, медицина, жаштар тажрыйба алмашуусу тармагында долбоорлорду иштеп чыгат.

Уюмдун негизги багыттарынын бири – мектеп окуучуларына, студенттерге жана жаш адистерге колдоо көрсөтүү. Анын алкагында билим берүү программалары, алмашуу программалары, ири мамлекеттик компанияларда стажировка уюштурулат. Ошондой эле медиамектеп, мектеп жана жогорку окуу жай мугалимдери үчүн кесиптик платформалар, форумдар, журналисттер менен блогерлер үчүн гранттар, тарых жана маданиятты сактоо боюнча долбоорлорго колдоо көрсөтүлөт.