Режиссер Артыкпай Сүйүндүковдун "Шамбала" тасмасы бүткүл россиялык "Кино түнү" иш-чарасынын алкагында Москвада көрсөтүлөт. Бул тууралуу "Кыргыз тасмасы" мамлекеттик концернинин директору Талантбек Төлөбеков билдирди.

Анын айтымында, тасма 24-августта саат 21:00дө "Москино Факел" кинотеатрында тартууланат. "Кино түнү" иш-чарасында кино сүйүүчүлөр Россия жана КМШ мамлекеттеринде 2023-2024-жылдары тартылган эң алдыңкы тасмаларды акысыз көрө алышат.

"Шамбала" Чыңгыз Айтматовдун "Ак кеме" повестинин негизинде тартылган. Бул кинокартина бир нече эл аралык кинофестивалдарга катышып, сыйлыктарга ээ болгон.

Булак: Nazarnews.kg