Июнь айында Астанада өтчү саммитте Индия менен Пакистан Шанхай кызматташтык уюмунун толук кандуу мүчөлөрү болуп калышат.

Бул тууралуу ШКУнун башкы катчысы Рашид Алимов “Орусия жана Кытай: эки тараптуу мамилелердин жаңы сапаты” деген эл аралык конференцияда көшөгө артынан РИА Новостиге билдирген. Анын айтуусу боюнча, келе жаткан саммит уюштуруу сапаты боюнча “таптакыр жаңы” болот, анткени алтылык акырындан сегиздикке өсүп баратат. Бардык көрсөткүчтөр боюнча уюм кеңейе берет”- деди ал.

Азыркы маалда ШКУнун байкоочу өлкөлөрү болуп Ооганстан, Белоруссия, Иран жана Монголия, өнөктөш өлкөлөрү катары Азербайжан, Армения, Камбоджа, Непал, Түркия жана Шри-Ланка болууда.

Булак: NazarNews.kg