Аскар Акаевдин мураскору катары президенттик бийликти ала албай калса да өзүн «Ата-Мекен» партиясы менен башаламандыктын башаты катары,  Кыргызстанда чыр-чатактардын эталону болуп кызмат көрсөтүп келаткан Өмүрбек Чиркешович «жең ичинен» сүйлөшүүлөрдү баштагандай. «Ата-Мекен» партиясы быйылкы парламенттик шайлоодо кимдер менен гана тандем түзбөдү. Оштуктарды жек көргөн экс премьер-министр Темир Сариевди баш кылып,  Атамбаевдин оң колу болуп СДПКда жылдыз болуп жапнып келишкен: Элвира Сурабалдиева, Рыскелди Момбеков, Жанар Акаевдерди  кошмоктоп кошуп келди. Канча аракет кылганы менен парламенттен чет калып элди башаламандыкка сүйрөдү. Элвира Сурабалдиева учурда вице-премьердин милдетин аткаруучу болсо, жаңы эле  Жогорку Кеңештин вице-спикери болуп «атамекенчи»  Нурбек Сыдыгалиев шайланды. Ал 1973-жылдын 15-августунда Фрунзе шаарында туулган.1990-жылы Нарын облусунун Жумгал районунун Түгөл-Сай айылында орто мектепти аяктаган. 1990-1995-жылдары- Кыргыз мамлекеттик улуттук университетинин экономика факультетинин “экономист” адистигине ээ болгон. 2011-2014-жылдары- Кыргыз мамлекеттик юридикалык академиясынын юриспруденция факультетин “юрист” адистиги боюнча аяктаган.1995-2002-жылдары- жеке ишкер;2002- 2006-жылдары - “Асейин” өндүрүштүк-коммерциялык фирма- директордун орун басары;2006-2007-жылдары – Жогорку Кеӊештин депутатынын жардамчысы; 2008-2010-жылдары – “Спорт биримдиги” спортту өнүктүрүү коомдук фондунун директору; 2010-2011-жылдары – “Кара-Балта спирт заводу” мамлекеттик ишканасы- директордун орун басары; 2011-2012-жылдары – “Чакан ГЭС” ААК- башкы директорунун орун басары; 2012- 2016-жылдары – Өзгөчө кырдаалдар министринин орун басары; 2017-жылдын ноябрынан баштап 2018-жылдын мартына чейин Жогорку Кеӊештин "Ата Мекен" фракциясынын лидеринин кеӊешчиси; 2018-жылдын мартынан баштап 2019-декабр айына чейин аталган фракциянын катчылыгынын башчысы; 2019-жылдын декабрь айынан тарта "Ата Мекен" фракциясынан Жогорку Кеңештин депутаты.

Азизбек КЕЛДИБЕКОВ, NazarNews.kg