Кайнаган саясатта эмне деген окуялар орун алып жатат. Андан кем калбай маданият жаатында деле тынчтык жок. Гапар Айтиев атындагы улуттук көркөм сүрөт музейинин директору Юристанбек Шыгаев ээлеген кызматынан бошотулду.

Юристанбек Шыгаев эмгек өргүүсүнө чыгып, андан ары кызматтан кетүү боюнча арыз жазган. Сүрөтчү мамлекеттик мүлк катары саналган эки картинаны алып, бирок начар абалда музейге кайтарып бергени боюнча жаңжал чыккан.

Окуя боюнча комиссия түзүлүп, текшерүү иштери жүрүп жатканы маалым болгон. Картинанын бири музейден жоголуп, зыян келтирилген, начар абалда 2014-жыддын январь айында гана пайда болгону айтылат. Ошол убакка чейин ал Юристанбек Шыгаевдин колунда болгону аныкталган.

Булак: "Азия ньюс"