«Бурадай буркулдаган» бийликтин кошелёгу Буркановго Разаков акчасын төлөп берген окшойт. Болбосо өзүнөн чоңдорго акчасын бергенге март, кокус түшүп калса артынан барып битиреп сыгып алган Бурканов муну камактан бошотмок эмес. Биринчи май райондук соту СИЗО-1де камакта отурган мурдагы вице-премьер-министр Жеңиш Разаковду камактан бошоткону маалым болду. 

Биринчи май райондук сотунун басма сөз кызматы билдиргендей, ИИМдин Тергөө кызматынын тергөөчүсү анын баш коргоо чарасын өзгөртүү боюнча арыз менен кайрылган жана Разаков 24-июнга чейин үй камагына чыгарылган. 

Эске сала кетсек, Жеңиш Разаков алдамчылык жана кызмат абалынан кыянаттык менен пайдаланган деген шек менен 24-январда кармалган. Тергөөнүн версиясы боюнча, 2017-жылдын күзүндө Разаков кызмат абалынан пайдаланып, Б.Мдан 1 млн. доллар биргелешкен иш боюнча акча алып, алдап кеткени айтылган. 2022-жылдын сентябрь айында жабырлануучу милицияга доо арыз менен кайрылып, Разаков камакка алынган болчу.

Дайыма жеңиш менен жүрчү Жеңиш Разаков Беткен облусунун губернатору болуп турганда Кыргызстанга тиешелүү жерди Тажикстанга мыйзамсыз өткөрүп жибергени тууралуу видеорепортаж интернет булактарына чыккан. Анда айылдын тургундары Жеңиш Разаковду «шпион» деп, элди алдаган деп нааразы болушкан. Баткен эли баатыр эл, кылымдарды карыткан, бир карыш жер бербейт эле, Жеңиш Разаковго окшогон шылуундар элди куураткан. Алсак, Разаков Баткен облусуна губернатор болуп турганда, Көк-Таш айылынын төмөнкү участогу Тажикстан тарапка белгисиз, табышмактуу жагдайлар менен өтүп кеткен. 

Мындан сырткары “Ак-Чечек” участогунун 26 миң гектар жери дагы коңшу өлкөгө өткөнү белгилүү болду. Ал эми аймактагы жашоочулар дагы Тажикстанга “жерлерибиз өтүп кетеби же ушуну менен токтойбу? -деген күмөн ойлор түйшөлтөт. Атайын чыгармачыл топ айылдагы жашоочулардун пикирин угуп, айтылган эл арасындагы имиштерди тактоо иретинде изилдеп көргөн. 
Буга чейин 2020-жылдын 8-май күнү кыргыз-тажик чек арасында жаңжал чыгып, ал айылдагы бир үй толук өрттөнүп кеткен. УКМКнын төрагасы ошол учурда барып, Камчыбек Ташиев жарандык милдетин аткарып өрттөнүп кеткен үйдү бүтүрүп берген. Тилекке каршы үйдүн тосмосунун арты Тажикстанга карайт. Бул жерде буга чейин кыргыздар жашап келген. Тилекке каршы Жеңиш Разаков губернатор болуп турганда айыл тургундарын алдап көчүрүп, Тажикстанга жерди сатып жибергенин айтышат. Учурда карапайым эл ата-бабаларынан калган жерди бөтөн элге берип салган Жеңиш Разаковго нааразы. Эл арасында аны “алдамчы”, “шпион” тактап айтканда «тыңчы» катары эсептешет”- дейт кабарчы. 

Мурдагы вице-премьер-министр Жеңиш Разаков  24-февралга чейин №1 тергөө абагына камалды. Мындай чечимди Бишкектин Биринчи май райондук соту чыгарды. Ага Кылмыш жаза кодексинин 209-беренеси (“Алдамчылык) менен кылмыш иши козголгону белгилүү болду. Разаков парламенттин мурдагы депутаты Арзыбек Буркановдун арызынын негизинде кармалганын ырастады. Анын жактоочусу Айбек Өмүров буга негиз жок экенин айтты: "Бул иш козголбош керек болчу. Анткени дал ушул сумма боюнча Жеңиш Разаков Биринчи май райондук милициясына кайрылган, иш козголгон. Ал жерде Разаков жабырлануучу деп табылган. Ал жакта ушул эле сумма боюнча башка айыпталуучу бар, ага издөө жарыяланган. Жабырлануучу болгонуна карабай ушул эле сумма боюнча башка арыз жазылып, аны камап жатышат. Бул сумма башка кишиден алынган сумма болчу. Жеңиш Разаков Буркановдон акча алган деп айтылып жатат. Бирок андан алган эмес, башка кишиден андан чоңураак сумма алган. Ал сумманы кайтарып берип, 1 миллионун Мирлан Бекитаев деген киши алып изин жашырып кеткен. Бул боюнча арыз 2022-жылы мартта берилген. Ошондо Разаков бирөөдөн ушул сумманы карызга алат. Ал Буркановдун акчасы экенин берген киши айткан эмес. 2022-жылы эле Буркановдун дагы акчасы болгону билинип жатат. Акча 2017-жылы алынган болчу", - деди жактоочу. Ички иштер министрлиги Разаковдун кармалышы боюнча расмий маалымат бере элек.

Садыр Жапаровдун Баткен облусуна болгон иш сапарында Көк-Таш айылынын тургуну президентке мурдагы вице-премьер Жеңиш Разаков ал жердеги жерлерди мыйзамсыз бергенин айткан. Бул тууралуу видео соцтармактарга тарап, эл ичинде талкууга алынган. «Разаков вице-премьер болуп турганда аталган айылга барып, чогулуш кылган. Жыйынга келген тургундарды «сен ушул айылда жашайсыңбы же жокпу?» деп катуу текшерген.

Видеодон: «Чогулуштарда кыргыздардын жерин тажиктердики, башка жерге алмаштырабыз деп, элди коркутуп, кол койдурткан. «Урматтуу Садыр Нургожоевич, сиз Жеңиш Разаковду жоопко тартасызбы? Эч ким эч кандай чара көрбөй жатат», — деп айтканын көрүүгө болот. Ал эми буга Садыр Жапаров: «Баткендеги жерлер боюнча Жеңиш Разаковго тиешелүү документтерди карайм. Кагаздарын карай элекмин. Силерде документтер барбы, ошолорду алдырып карайм, анан жообун сиздерге берем», – деген жообун берген. Эске салсак, Жеңиш Разаков 2018-2020-жылдары вице-премьер-министрлик кызматты аркалаган.

Азизбек КЕЛДИБЕКОВ, NazarNews.kg