Сарыбагышка келсек Карамураттан Жапаров, Койлубайдан Сапар Исаков тарайт, башка Тынай, Жантай, Таздар, Чоңчарык сыяктуу сарыбагыштарга салыштырмалуу Карамурат менен Койлубай жакын туугандар болуп саналат. Анын үстүндө Исаковдун очогу Кочкор айылынын бир башы Теңдикте болсо, Жапаровдордун очогу Кочкор айылынын дагы бир башы Жаңы-Жол айылында. Кезинде Атамбаев Акылбек Жапаровду «Акылушка» деп эркелеткен жок. Ал эми башкаларды «Балашка» десе Сапар Исаковду гана «Сапарушка» деп эркелетчү.

Эмки жазга  карай күтүүсүз пландар түзүлөрү күмөн деле эмес. Саясый күчтөрдүн тарапкерлери, насаатчылары биригүүнү болжошууда. Ошого катар баштары бирикпегендей бийликтин каршылаштары сүйлөшүүлөргө батынышабы? Айрым аңыздар боюнча, келечекке карай Сапар Исаков президент болот деген божомолдун иш жүзүнө ашары канчалык деңгээлде негиздүү?

Бул жагынан тар чөйрөдө талкуулар жанданып, бирок ич ара сүйлөшүүлөр орундалбай жатабы? Эмнеси болсо да, оппозиция айдыңына ыктагандар бир-эки ай аралыгында биригүүгө барышары каңкууланды. Амбицияларын жыйыштырып, «мен кыйын» деген текеберликтен бийик тура алышабы? Мезгил көрсөтсүн!», - деп жазып чыккан.

Бизге жеткен маалыматтарга караганда, Сапар Исаков ушул тапта Маскөөдө жөн жатпай, Кремлди чарк айланып, терең дем алып, айланасындагы «Coffeeбарлардан» башы чыкпай калган. «Кемпир-Абад» туура эмес чечилип калса эле Кыргызстанда башаламандык болуп, Исаков Кыргызстанга келип, өзүн президенттик тактыдан көргүсү келет. Анткени, балапан саясатчынын учурда дымагы күч болуп турган чагы», - дейт өздүк булак.

Эске сала кетсек, Сапар Исаков 2020-жылы, 6-октябрга караган түнү болгон башаламандык учурунда Молдовановка айылындагы №27 абактан чыгып, ошол бойдон кайтып барган эмес. Жаза аткаруу мамлекеттик кызматы (ЖАМК) ага эл аралык издөө жарыяланганын кабарлаган. Буга чейин Бишкектин Биринчи май райондук соту 9-июнда Улуттук тарых музейин оңдоого жана Чолпон-Атадагы ипподромду реконструкциялоого байланышкан кылмыш иштери боюнча Сапар Исаковду 18 жылга эркинен ажыраткан. Сот аны «Коррупция» беренеси менен күнөөлүү деп тапкан жана мамлекетке келтирилген 247 650 281 сомду төлөп берүүгө милдеттендирген.

Соттун чечими менен президенттик аппараттын жарандык өнүктүрүү, диний жана улуттук саясат бөлүмүнүн мурдагы жетекчиси Мира Карыбаева «Кызмат абалынан кыянат пайдалануу» беренеси менен күнөөлүү деп табылып, ага 260 миң сом айыппул салынган.

Сапар Исаков боюнча  дагы маалымат. Ал Москвада чоӊ кафе ачып, иштетип жатыптыр. Бир жыл курулуш ишине кетип, эми тамактын түрүн көбөйтүп, киреше таап, эӊ көп салык төлөөчүлөрдүн катарына киргенин сайттар жазып чыгышты. Сапар Исаковдо кайдан акча? Бир жылдан бери качып, бозгунда жүргөн адам жылаӊач калыш керек эле да? Мына, анын коррупционер, ууру, жегич экендигинин бирден бир белгиси.

ТЭЦ, тарых музейден, “Лигласс” деген аферист компанияларга ГЭС курдурам деп мамлекетти алдаган окуясынан, Орусиянын “РусГидро” деген компаниясынан 36 миллион доллар алып, ГЭС эмес, мини-ГЭС баштабай, акча изи жок кеткенинин жыйынтыгы. Мына ушунча акча коротуп, жок кылып, эми кафе-ресторан иштетип, жыргап жүрөт, уурдаган акчасын Кыргызстанга инвестиция кылбай, чет жерде айландырып. Мындан өткөн чыккынчылык жок да?

Азизбек КЕЛДИБЕКОВ, NazarNews.kg