«Бабан» 12-сентябрда келет дешип дуулдай баштады. Деги  анын мурункудай кадыр-баркы барбы же акчасын алгандардын жомогубу? Камалып жаткан Бабанов 2015-жылы сатып кеткен досу Ташиевге киши салып жатат деген сөз тараган. Жөн киши салмак беле Ташиевдин өкүл атасы Талгарбековду же өкүл баласы Шакиевди салат да. Бирок алар Бабанов бере турган миллиондорго кызыгып ортого түшпөйбүз деп жатышкан. Ким ортого түшкөнү белгисиз, жөн турган Бабанов ооруп онтоп, чет мамлекетке дарыланганы кеткен. Бабанов Орусияны көздөй биринчи ирет дыргаяктап качкан жок. Ал жакшы көрүп, дайыма шайлоолордо экинчи орунда келаткан абиси Атамбаевдин заманында да куйругун кыпчып Москвага кире качкан. 2017-жылы ал өзүн көкөлөтө мактап 30 пайыз менен Атамбаевден кийин экинчи рейтинг меники деп, президенттиктен үмүт кылып турган. Абиси анын өзү рейтинг түзүп алган жалган талапкерлигин түрткөн жок. Бабановдун ааламга жар салган үч эле пайыз рейтинги бар досун түрттү. Ал эмес 2017-жылы июлда Сочиде Орусиянын президенти Путинге жолугуп бата алып келди. Биздин кесиптешибиз сүйкүмдүү Сыяш Караман ээрчий барып Путинди желкелеп жүрүп маек кура келген. Президенттик шайлоо алдында абиси Атамбаев колдобой койгон соң 2017-жылы 1-сентябрда Нур-Султан шаарында өткөн казак-кыргыз Көк бөрү боюнча мелдешинде «патриот» Бабанов кыргыздын казактарга утулуп беришине кам көрөт да, казак олигархы Булат Утемуратов аркылуу ал кездеги казак президенти Нурсултан Назарбаевге жол табат. Чал Бабановго батасын берип, казактар мыйзамсыз кошуна мамлекеттин шайлоосуна кийлигишип, акчаларын сапырып Бабановду колдой баштайт. Буга таарынган абиси Атамбаев Назарбаевге каршы чыгат. Казакстандын чек аралары жабылып, ортодо эл запкы жейт. Шайлоо бүтүп досун бийликке алып келген соң Атамбаев каршы чыккандарды Канат Исаев сыяктуу четинен камай баштайт. Бабанов Москвага кире качып кутулат. Атамбаев 2019-жылы 8-августта Кой-Ташта камалары менен Бабанов Москвадан кайтып келет. Бекер эле кайтып келбейт, Кыргыз-Орус өнүктүрүү фондунан 17 миллион доллар алып курдурган «Азиямолл» супермаркетин барымтага карматып келет. Деги Бабановдо андан башка дагы эмне мүлкү бар?

Атамбаевдин убагында Түркиядан бир аргымак парага алып кызматынан түшүп, Кыргызстандагы №3 кызмат Бишкек мэри болом дегенде эки көзү төрт болгон Бабанов деген бар. Анын үстүнөн кылмыш ишин козгошуп «Азия-Молл» супермаркетин берип араң кутулду деген кеп бар. Ушундай кылмыш иштери бар адам 2021-жылы президенттик шайлоого катышпаса да, аны УКМК чакыртып, иштерин иликтеп жаткан, акыры Кумтөр иштери боюнча каматып тынышкан. Эми Садыр Жапаровдун сүрөтүн иш бөлмөсүнө илип алган Бабанов оорудум деп онтоп чет мамлекетке кире качкан. Балким, ал жактан жакшылыктын шоораты угулуп кимдир бирөө башынан сылап жаткандыр. Болбосо бир гана өз байлыктарын ойлоп, кайсы кызматка келбесин элдин мүлкүн ичип-жеп тойбогон Бабанов ашагандан тажамак беле? Ал көпчүлүктүн мүлкүн жеп жатып жарылган жок. Кылмыш иштерин унутуп, Садыр Жапаровдун бир капталына жабышып, элди соро баштоону пландап жатса керек. Азыр биздин мамлекетте элди багып алам деген Өмүрбек Бабановго тиешелүү мүлктөр:

1. Орусиянын Пенза шаарындагы цемент заводу.

Кыргызстандан чыгып кеткен 300 миллион доллардын эсебинен курулган дешет. Башкы директору Кыпчакбаева А. А. Орусия Федерациясынын Пенза облусунда өзүнүн адамдары аркылуу ээлик кылат.
2. “Азия Молл” соода борбору.

Бишкек шаары, Чыңгыз Айтматов проспектиси №3. Негиздөөчүсү Өмүрбек Бабановдун жубайы Р. Бирбаевага тиешелүү. “Кыргыз-Орус” өнүктүрүү фондунан берилген 17 миллион доллар насыя ушул долбоорду ишке ашырууга жардам берген. Мыйзам боюнча
“Кыргыз-Орус” өнүктүрүү фондунан насыя соодага эмес, мамлекеттин экономикасын өнүктүрүүгө берилмек. Ошол кездеги бул жердин жетекчиси Кубанычбек Кулматов бул мыйзамды уруп ойнобой, соодага берип жиберген.

3. “Технопарк” соода-көңүл ачуучу борбору.

Бишкек шаары, Горький көчөсү №1/2. Көңүлдү ачууга эч ким , эч бир мыйзам тыюу салбайт, бирок бул жердин нарккы эл үчүн эмес, колунда барлар үчүн.
4. “АКБ Кыргызстан” банкы.

Кыргыз Республикасынын территориясында 30 имараты бар. Бул банкты учурунда Шарипа Садыбакасовадан рейдерлик жол менен тартып алган деген кеп эл арасын аралап жүрөт.
5. “Траст kg”ЖАКсы. 
Бишкек шаары, Ленин району, Чыңгыз Айтматов проспектиси № 3. Жетекчиси Сагадылла уулу Жаныбек – Өмүрбек Бабановдун жакын тууганы үчүн ага катталган. 
6. “Мунай мырза инвест” ЖЧКсы. Бишкек шаары.

Рыскулов көчөсү №6. Жетекчиси – Сагадылла уулу Жаныбек – Бабановдун жакын тууганы. 
7. “Атэк ойл” ЖЧКсы.

 Ээси – Өмүрбек Бабанов. 
8. “Нефтесинтез” ЖЧКсы.

Бишкек шаары, Тоголок Молдо көчөсү № 54-А. Жетекчиси – Мамбетакунов М. К., негиздөөчүсү - Мальсагов В. С. 
9. “Топливно-заправочный комплекс” ЖАКсы.

 Бишкек шаары, Рыскулов көчөсү №6. Жетекчиси – Мамбетакунов М. К., негиздөөчүсү - Өскөнбаев К. М. 
10. “Эльнур Дан” ЖЧКсы.

Бишкек шаары, Ахунбаев көчөсү №132, кв №18. Жетекчиси – Абдрахманов Б. А., негиздөөчүсү - Сарташев Э. М. 
11. “Шумкар” ЖЧКсы.

Бишкек шаары, Чокморов көчөсү №101. Жетекчиси жана негиздөөчүсү Ковалькова Л. А. 
12. “Улан экспресс” ЖЧКсы.

Бишкек шаары, Островский көчөсү № 70. Жетекчиси жана негиздөөчүсү - Бабанова. С. Т. 
13. “Мега ойл” ЖЧКсы. 
14. “БиМедФарм” ЖЧКсы.

Бабанова С. Т. 
15. “Улут руху” ЖЧКсы.

Талас облусу, Кара-Буура району, Кызыл-Адыр айылы, “50-лет Киргизии” көчөсү № 7 Жетекчиси – Мырзаев Д. А. Негиздөөчүсү - Бабанова А. Т. 
16. “Траст Медиа” ЖЧКсы.

Бишкек шаары, 7-кичи району, үй № 46-А. Жетекчиси – Кудайбергенов М. А., негиздөөчүсү - Мырзаев Д. А. 
17. “Имхотек” ЖЧКсы.

Бишкек шаары, Горький көчөсү № ½. Жетекчиси – Сагадылла улу Жаныбек, негиздөөчүсү Мырзаев Д. А. 
18. “Арпаш” ЖЧКсы.

Талас облусу, Кара-Буура району, Чымкент айылы, Шайырбек көчөсү №101. Жетекчиси –Мырзаев Д. А. , негиздөөчүсү - Тынайбеков К. Т. 
19. “Эр Дауд” ЖЧКсы.

Бишкек шаары, Орто-Сай айылы, Балык-Кумара көчөсү № 35. Жетекчиси – Бабанова С. Т. 
20. “КСК-Компани” ЖЧКсы.

Бишкек шаары, Чүй проспектиси №259, кв 3 Жетекчиси – Тентимишева Э. Т., негиздөөчүсү - Бабанова К. Т. 
21. “Арбель” ЖЧКсы.

Талас облусу, Кара-Буура району, Чымкент айылы, Сартбаев көчөсү №102. Жетекчиси жана негиздөөчүсү Мырзаев Д. А. 
22. “Атлах” ЖЧКсы.

Бишкек шаары, Фрунзе көчөсү №390. Жетекчиси жана негиздөөчүсү Барчакеев Б. А. 
23. “Насип” ЖЧКсы.

Бишкек шаары, Скрябина көчөсү № 17 Жетекчиси жана негиздөөчүсү Бабанова К. Т. 
24. “Охранно детективное агентство Алекра” ЖЧКсы.

Бишкек шаары, Горький көчөсү №1 
25. “ТРК НТС” ЖЧКсы.

Бишкек шаары, 7-кичирайон № 45А. Үсөн уулу Ж. жана Мырзаев Д. А. 
26. “Мунай Трэвел” ЖЧКсы.

“Белнефтхим” компаниясынын курамына кирүү менен автозаправка станцияларынын түйүнүн түзгөн жана Белоруссиядагы бензин рыногунун 34%ын көзөмөлдөйт.

27. “Авиаэшн фьюэл сервис”.

Авиа күйүүчү май ташуу 
28. “Изумруд” РТ ЖЧКсы.

Өмүрбек Бабановдун жубайы Р. Бирбаевага тиешелүү.

29. Коммерциялык дүкөн.

 Ош шаары, Монуев көчөсү № 83/14. Бабанова С. Т. 
30. Коммерциялык дүкөн.

 Ош шаары, Монуев көчөсү № 83/15. Бабанова С. Т.
31. Коммерциялык дүкөн.

Ош шаары, Монуев көчөсү № 83/16. Бабанова С. Т.
32. Коммерциялык дүкөн.

Ош шаары, Монуев көчөсү № 83/17. Бабанова С. Т.
33. Курорттук зонадагы коттедж

 Ысык-Көл, Чоң-Сары- Ой Бабанова С. Т. 
34. Хансарай. 

Чүй обл, Аламүдүн району, Орто-Сай айылы, Ала-Арча конушу № 31 Өмүрбек Бабановго тиешелүү. 
35. П. Морозов атындагы пионер лагеринин комплекси.

Балдардын лагери азыр аткана катары колдонулат. Чүй обл, Сокулук району, Жал айылы. “Траст KG” ЖЧКсына катталган. 
36. Коммерциялык турак-жай эмес имарат.

Бишкек шаары, Манас көчөсү №95. Бабанова К. Т. 
37. Хансарай.

 Бишкек шаары, Малдыбаев көчөсү №103/1, кв №22. Бабанова К. Т. 
38. Эл жетпей жүргөн жер тилкеси.

Бишкек шаары, Магнитогорский көчөсү № 20. Бабанова К. Т. 
39. Эл жетпей жүргөн жер тилкеси. 

Ысык-Көл району, Семеновка айылы. Бабанова К. Т. 
40. Эл жетпей жүргөн жер тилкеси. 

Талас облусу, Кара-Буура району, Чымкен айылы, Сартбаев көчөсү №110. Бабанов С. 
41. Эл жетпей жүргөн жер тилкеси.

Талас облусу, Кара-Буура району, Чымкент айылы, б/н көчөсү № 723. Бабанов С. 
42. Хансарай.

Бишкек шаары, 12-кичирайон, үй №15, кв №69. Бабанов С. 
43. Хансарай.

Бишкек шаары, Чыңгыз  Айтматов көчөсү № 93/1, кв №10. Бабанов К. С. 
44. Эл жетпей жүргөн жер тилкеси. 

Талас облусу, Кара-Буура району, Чымкент айылы, Шайырбек көчөсү №145. Бабанов К. С. 
45. Хансарай. 

Бишкек шаары, Көк-Жар конушу, Керемет көчөсү №104. Бабанова А. С. 
46. Хансарай.

 Бишкек шаары, 12-кичирайон, үй №25, кв №35. Бабанова А. С. 
47. Эл жетпей жүргөн эки жер тилкеси (айдоо жери).

Жалал-Абад обл., Ала-Бука району, Кашкалак айылы. Бабанова А. С. 
48. Эл жетпей жүргөн жер тилкеси.

 Чүй обл., Аламүдүн району, Көк-Жар айылы, Нурманбетов көчөсү №3. 
49. Эл жетпей жүргөн жер тилкеси.

 Жалал-Абад облусу, Аксы району, Кашка-Суу айылы. Бабанов Т. Б. 
50. Эл жетпей жүргөн жер тилкеси.

Талас обл., Кара-Буура району, Чымкент айылы. Бабанов Т. Б. 
51. Эл жетпей жүргөн жер тилкеси.  (айдоо аянты).

Жалал-Абад обл, Аксы району, Үч-Коргон айылы. Бабанова А. О. 
52. Эл жетпей жүргөн жер тилкеси.

Талас обл., Кара-Буура району, Чымкент айылы. Бабанова А. 
53. Эл жетпей жүргөн жер тилкеси.

Ош обл., Ноокат району, Жаңы-Ноокат айылы, Күңгөй көчөсү № 7. Бабанова А. 
54. Эл жетпей жүргөн жер тилкеси.

Ош обл., Ноокат району, Темир-Корук айылы. Бабанова А. 
55. Эл жетпей жүргөн жер тилкеси.

Ош обл., Ноокат району, Күңгөй айылы, Күңгөй көчөсү №7. Бабанова А. 
56. Эл жетпей жүргөн жер тилкеси. Ош обл., Ноокат району, Борбаш айылы. Бабанова А.

Автоунаалары: 

1. “Тойота Ленд Круизер-200” автоунаасы. 2012-жыл, ак түстүү, брондолгон. Бабанов Ө. Т. 
2. “Тойота Ленд Круизер-200” автоунаасы. 2012-жыл, ак түстүү. Бирбаева Р. А. 
3. “ВАЗ 21213” 2004-жыл, ак түстө. Бабанова А. 
4. “ВАЗ 21150” 2004-жыл түсү “снежная королева”. Бабанова А. 
5. “ГАЗ 311000” 1999-жыл, ак түстө. Бабанова А. 
6. “ГАЗ 2401” 1982-жыл, күмүш-боз түстө. Бабанова А. 
7. “ВАЗ 21213” 1999-жыл, ак түстө. Бабанова А. 
8. “Мицубиси-Паджеро” 2008-жыл, ак түстө. Бабанов С. Т. 
9. “ЗАЗ 1102” 1993-жыл, ак түстө. Бабанова К. Т. 
10. “ВАЗ 21061” 1989-жыл, көк түс. Бабанова К. Т. 
11. “Тойота-Превия” 2000-жыл, күмүш түс. Бабанова К. Т. 
12. “Фолксваген Таурег” 2005-жыл, күмүш түстө. Бабанова К. Т. 
13. “Тойота Ленд- Круизер 200” 2008-жыл, кара түстө. Бабанова К. Т. 
14. “ВАЗ 21063” 1989-жыл, ак түстө. Бабанов С. 
15. “Хонда- CRV” 2005-жыл, ак түстө. Бабанов С. 
16. “ВАЗ 21099” 2002-жыл, “мираж” түстө. Бабанов С. 
17. “Мерседес Бенц-320” 1995-жыл, кара түстө. Бабанова К. С. 
18. “Субару Форестер” 2003-жыл, күмүш түстө. Бабанова А. С.

Өмүрбек Бабановго тиешелүү мүлктөрдүн бул толугу эмес. Кыргыз Республикасынын мыйзамдарынын негизинде жер үлүштөрү бөлүштүрүлгөндө, ал кездеги депутаттар келечекти ойлоп жердин үлүштөрүн Бабановго эмес, төрөлө элек балдарга калтырып, алар чоңоюшуп, жер алуу укугуна жетишкенде берүү максатында калтырышкан. Арийне, андан бери чейрек кылып өттү, төрөлө турган балдардын алды жыйырма беш жашка жетти. Ушул кезге чейин алар өзүнө тиешелүү үлүштөрүн албай жүргөндөр толтура саналат. Бирок, кайсы бийлик болсо ынакташып, акыры президент болууну көздөгөн Өмүрбек Токтогуловичтин жер тилкелери эле канча? Эгер ал башкарма атасы Токтогул Бабановдон мураска алып калса, ошол колхоздон эле алмак да. Ал учурунда бийликке таянып, Кыргызстандын бардык тармагынан элдин жер тилкесин алган.

Азизбек КЕЛДИБЕКОВ, NazarNews.kg