Байсалов: Бардыгына мугалимди күнөөлөгөн туура эмес

Журналист: АЙСУЛУУ ТАЛАНТ

10.06.2022, 13:28

22101

коом

Министрлер кабинетинин төрагасынын орун басары Эдил Байсалов кайрадан укук коргоочуларга кайрылды. Ал мектеп мугалимдерин жана директорлорун ашкере каралабоону суранды. Бул тууралуу ал Кыргызстандагы адам укуктары боюнча улуттук диалогдун жүрүшүндө билдирди.

Анын айтымында, укук коргоочулар жаза талап кылган адамдарга айланбаш керек. Мисал катары, ал мектепте жүрөгү кармап каза болгон 11 жаштагы кыз менен болгон окуяны келтирди. Баланын апасы баарына мектеп директорун күнөөлөп, акыры аны жумуштан кетирген.

«Бала сууга чөгүп кеткен аквапарктагы кырсык ооба, бул коркунучтуу трагедия. Бирок мындай окуялар дүйнө жүзү боюнча болуп келет. Эч ким жоопкерчиликтен качпайт. Бирок укук коргоочулардан, баарын жазалоону талап кылган адамдарга айланбайлы. Мен дагы сиздей укук коргоочумун», - деди ал.

Чиновник кошумчалагандай, трагедиялардын пропорционалдуулугун түшүнүп, мугалимдерди жана мектеп директорлорун дайыма күнөөлүү кылбоо керек.

«Дагы бир жолу кайталайм: жоопкерчиликтен эч ким качып кутулбайт», - деп ишендирди Эдил Байсалов жана Акыйкатчы институтун маселенин түпкү тамырына кененирээк кароого жана бир-эки эле окуяга көңүл бурбоого чакырды.

Булак: NazarNews.kg