«Депутат Кудайга, шайлоочуларга жана өзүнүн аң сезимине гана баш ийиш керек», - деди бүгүн, 4-июлда NazarNews маалымат агенттигине саясий эксперт Бакыт Бакетаев.

- Бакыт мырза, мурда 30 жолу себепсиз ишке келбеген депутаттар мандатынан ажырачы. Азыркы жаңы регламент боюнча депутаттар 10 күн ишке себепсиз келбесе мандатынан ажырайт экен. Бул нерсе депутаттардын жоопкерчилигин жогорулатабы?

- Жаңы регламент боюнча 10 күн ишке себепсиз келбесе мандатынан ажырайт деген норма депутаттын жана анын аркасында турган калдайган шайлоочулардын укугу тебеленип калат.

Айтайын дегеним, мындай шартта депутат кадимки чиновникке айланып, элдин пикирин талашалбай калат.

Анткени, спикер аларга жакпаган маселе көтөрө берсем, ыңгайын таап жумуштан кууп жиберет деп кооптонуп калышат. Жыйынтыгында элдин маселеси анчалык көтөрүлбөй калат. Чынында депутат Кудайга, шайлоочуларга жана өзүнүн аң сезимине гана баш ийиш керек, андай болбосо өнүкпөйбүз.

Булак: NazarNews.kg