Кечээ, 20-августта социалдык тармактарда балдар аянтчасында аялдын балага кол көтөргөн видеосу тараган. Окуя боюнча Жалал-Абад ОИИБден маалымат беришти.

«19-август күнү Жалал-Абад ШИИБге Сузак районун Октябрь айылынын 1991-жылы туулган тургуну арыз менен кайрылган. Анда 17-август күнү саат 18:30 чамасында Жалал-Абад шаарындагы “Плаза” соода борборунун 4-кабатында 2012-жылы туулган баласын бейтааныш, 30-35 жаштар чамасындагы аял киши бети-башына урганын айткан.

Аталган маалымат Жалал-Абад ШИИБдин тергөө кызматы тарабынан маалыматтарды электрондук каттоо журналына катталып, тергөөгө чейинки териштирүү иштери башталган. Ал эми жабырлануучуга карата атайын соттук-медициналык экспертиза дайындалган. Учурда териштирүү иштери жүрүп жатат«,- деп айтылат маалыматта.