www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Алматыда көп кабаттуу үйдүн батирине бекинип алып ок аткан киши 17-кабаттан секирип каза болду. Бул тууралуу шаардык полиция департаментинин башчысынын орун басары Рустем Абдрахманов билдирди.
Анын айтымында, маркум бийиктиктен секиргенге чейин аны менен полиция кызматкерлери, прокуратура өкүлдөрү жана тааныштары алты саат сүйлөшүүлөрдү жүргүзүшкөн. Бирок ал эч кандай талаптарды койгон эмес.
Полициянын маалыматына караганда, сүйлөшүүнүн жүрүшүндө ал киши аңчылык мылтыктан дээрлик 30 жолу ок аткан. Күч түзүм кызматкерлери менен жергиликтүү тургундардын арасында жаракат алгандар болгон эмес. Окуя болуп жаткан маалда көп кабаттуу үйдүн жашоочулары эвакуацияланып, аймак курчоого алынган.
Полициядан билдиришкендей, ага чейин ал адам көп кабаттуу үйдүн күзөтчүсүнө ок атып, аны жарадар кылган. Андан соң 17-кабаттагы батирине бекинип, ал жактан ок ата баштаган. Бутунан жаракат алган күзөтчү ооруканага жаткырылды. Дарыгерлер анын абалын туруктуу деп баалап жатышат.
Полиция азырынча маркумдун мындай кадамга эмне себептен барганы белгисиз экенин билдирүүдө. Департаменттин басма сөз катчысы Салтанат Азирбектин айтымында, имараттан секирген жарандын тек-жайы аныкталган, ал 56 жаштагы адам.
Булак: NazarNews.kg
< Предыдущий
Следующий >
Последние новости
