Баткен облусунун аймагында күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматы билдирет.

Сейсмология институтунун маалыматына ылайык, жер титирөө 8-сентябрда саат 21:04тө Кыргыз Республикасы менен Өзбекстан Республикасынын чектешкен аймакта катталып, очогунда күчү 3,5 баллга жеткен.

Жер титирөө Баткен облусунун Кадамжай районунун Пүлгөн, Кадамжай айылдарында 2,5 баллга чейин сезилген.

Жер титирөөдөн жабыркагандар жана кыйроолор катталган жок деп белгиленет министрликтин маалыматында.

Булак: NazarNews.kg