Батыш өлкөлөрү Орусия менен Түркиянын президенттери тыгыз кызматташып жатканына нааразы. Бул тууралуу New York Times гезитинин баяндамачысы Стивен Эрлангер жазды.

Эки өлкө ортосундагы алака Эрдогандын НАТОдогу өнөктөштөрүнүн арасында чоң кыжырданууну жаратууда, анткени ал Батыш кура албай жаткан санкциялык дамбада тоскоолдук кылып жатат.

Автор Түркиянын Батыштын санкцияларын колдоодон баш тартканын жана чектөөлөргө кабылган Орусия банктары менен өнөктөш болуу мүмкүнчүлүгүн изилдеп жатканын эске салды. Мындан тышкары, Анкара Орусиянын кредиттик карталары менен төлөмдөрдү оңой кабыл алат. Эрдоган Россия менен кызматташуудан да чоң пайда көрөт.

"Саясий чакырыктар эки президентти болуп көрбөгөндөй жакындатты. Алар акыркы үч жумада эки жолу жолугушту", — деп жыйынтыктады журналист.

Орусиянын Украинаны демилитаризациялоо боюнча атайын операциясы башталгандан кийин Батыш Москвага каршы санкциялык басымды күчөттү. Орусиялык жүздөгөн миллиард долларлык активдер тоңдурулуп, Евробиримдик буга чейин чектөөлөрдүн жети пакетин кабыл алды. Кремль бул чараларды экономикалык согуш деп атаган.

Эске салсак 5-августта Владимир Путин менен Режеп Тайып Эрдоган Сочиде сүйлөшүү өткөрдү. Жолугушуу 4 саттан ашык убакытка созулду.

Алар эки тараптуу кызматташтыкты чыңдоого ынтызар экендиктерин тастыкташты жана башка нерселер менен катар Түркияга орус газы жарым-жартылай рубл менен төлөнөрү тууралуу макулдашышты.

Түрк лирасынын 23-ноябрда 18%га кулашы акыркы 20 жылдын эң жогорку чеги болду. Доллардын курсу 20-декабрда рекорддук көрсөткүчкө жетип, 18,4 лирага жеткен болсо, өткөн жылдын январь айында 7,4 лира болгон.

Аталган эки лидердин бир айдын ичиндеги экинчи кездешүүсү. 20-июлда алар Тегеранда бир нече темада сүйлөшүүлөрдү өткөрүшкөн.

Түркия НАТОнун мүчөсү экенине карабай Орусияга каршы санкцияларды колдогон эмес, ошол эле маалда Украинага курал жеткирип жатат. Анкара Москва менен Киевдин ортосунда арачы катары түшүп, украин дан азыктарын деңиз аркылуу чыгарып кетүү боюнча сүйлөшүүлөрдү уюштуруп берди.

Булак: NazarNews.kg