ТЭЦтеги чууга байланыштуу экс- премьер министр Жантөрө Саты­балдиев менен мурдагы энергетика министри, учурдагы Жогорку Кеңештин депутаты Осмонбек Артыкбаевди депутаттык комиссия башкы күнөөкөрлөр катары белгилешти. Буга байланыштуу Сатыбалдиев: «Парламентке келген депутаттардын көпчүлүгү бизнестен келген балдар. Алар иштерин ар кандай жолдор ме­нен бүтүрүп көнгөн. Базардан келгендер баарын өзүндөй ойлой бе­рет экен.

Өткөн-кеткен чиновниктерди күнөөлөй берген туура эмес. Мен мыйзам алдында жооп берүүгө даярмыы. ЖЭБди модернизациялоо боюнча Кудайдын алдында, өз абийирим алдында жооп бере алам» - деп айтып чыкты. Бет тырмаарлык кылып жатабы же чындап акты, аны тиешелүү органдар иликтеп баасын бериши керек. Депутаттык комиссиядагылардын баары «базардан келин» Сатыбалдиев периште болуп чыкпаса керек?..

Булак: "Фабулла"