www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
2026-жылдын 15-майында Кыргыз Республикасынын Министрлер Кабинетине караштуу Мамлекеттик бажы кызматында МБКнын төрагасынын орун басары Э.Р.Мамбетжунушева менен Америка Кошмо Штаттарынын Энергетика министрлигинин / Ядролук коопсуздук боюнча улуттук администрациясынын “Ядролук материалдардын контрабандасын аныктоо жана бөгөт коюу” программасынын өкүлдөрүнүн жолугушуусу болуп өттү. Бул тууралуу аталган мекеменин басма сөз кызматы билдирди.
Жолугушууда радиациялык көзөмөл жаатындагы учурдагы жана келечектеги кызматташтык, бажы органдарынын кызматкерлери үчүн жыл сайын өткөрүлүүчү тренингдерди уюштуруу, ошондой эле 2026-жылдын III чейрегинде Кыргызстандын өнөктөш уюмдары үчүн “Жумуш ордунда окутуунун негиздери” аттуу тренингди өткөрүү пландары талкууланды.
Тараптар радиациялык коопсуздук жаатындагы жана ядролук жана радиоактивдүү материалдардын мыйзамсыз ташылышына каршы күрөшүү багытындагы кызматташтыкты мындан ары өнүктүрүүгө кызыкдар экенин ырасташты.
< Предыдущий
Следующий >
Последние новости
