Атактуу өзбек ырчысы Жасур Умиров жашы жете элек өспүрүмдү зордуктоого шектелүүдө. Бул тууралуу чет элдик басылмалар жазды.

Маалыматка ылайык, Самарканд облустук прокуратурасы ырчынын ишин 5-январда облустук сотко өткөрүп берген.

Белгилей кетсек, 34 жаштагы Жасур Умиров өткөн жылдын 21-декабрында лицейде билим алган 16 жаштагы окуучуну зордуктоо фактысы менен кармалган.

Ага «18 жашка чыга элек өспүрүмдү атайылап зордуктоо» беренеси менен айып тагылган. Бул берененин негизинде ырчы 10 жылдан 15 жылга чейин эркинен ажыратылышы мүмкүн.

«Жабырлануучу кыз өзүнүн көрсөтмөсүндө ырчы ага алкоголдук ичимдикти кыйнап ичирип, андан кийин жыныстык катнашка барганын айткан», - деп жазат чет элдик басылмалар.

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg