Бир жолу колдонула турган маскалардын зыяндуулугу

Журналист: NAZARNEWS

20.08.2020, 2:34

20077

коом

Окумуштуулар бир жолу колдонула турган беткаптардын зыяндуулугун билдиришти. Окумуштуулардын айтымында, мындай коргоо каражаттары айлана-чөйрөгө зыян келтириши мүмкүн. Портсмут университетинин кызматкерлери ушундай жыйынтыкка келишти. Бул тууралуу The Conversation билдирди.

Окумуштуулар бир жолу колдонулган медициналык беткаптардан оолак болуу керек деп эсептешет. Чындыгында, COVID-19 пандемиясынын учурунда мындай продукцияларга суроо-талап кескин жогорулады. Чектөөлөр акырындык менен алынып, көчөгө көп адамдар чыкканда, тобокелдик жогорулайт: адистердин айтымында, күн сайын адамдарга миллиарддаган маскалар керек болот.

Адистердин айтымында беткаптарды көпчүлүгү туура эмес колдонуп, айлана-чөйрөгө таштандылар көбөйгөн. Ошондой эле жаныбарлар таштап кеткен бет каптарды жей башташы мүмкүндүгүн айткан.

Мындан тышкары, Улуу Британиянын окумуштуулары колдонулган беткаптар таштанды чогултуучуларга коркунуч туудурушу мүмкүн деп эскертет: Анткени COVID-19 алар аркылуу ыкчамдык менен жайыла баштайт.

Жогоруда келтирилген факторлорду эске алуу менен, изилдөөчүлөр бир жолку беткапты кийүүнүн ордуна, бир нече жолу колдонулган беткапты колдонууну сунуш кылышат.

Булак: NazarNews.kg