Бишкек шаардык кеңешинин туруктуу комиссияларынын курамында өзгөрүүлөр болду. Шаардык кеңештин №97 токтомунда белгиленгендей, Бишкек шаардык кеңешинин туруктуу комиссияларынын курамынан төмөнкү депутаттарды чыгаруу чечими кабыл алынды:

1) регламент, этика, укуктук маселелер жана укук тартиби боюнча туруктуу комиссиянын курамынан: Исмаилов Сайдахмат Аблезович — «Ишеним» фракциясынын депутаты; Абдыллабек уулу Манас — «Өнүгүү-Прогресс» фракциясынын депутаты;

2) муниципалдык менчик, жер маселелери, шаар куруу жана архитектура боюнча туруктуу комиссиясынан «Эмгек» фракциясынын депутаты Шаршенбай уулу Руслан; Бишкекский горкенеш 

3) турак жай-коммуналдык чарба, отун-энергетикалык комплекс, транспорт, коммуникациялар жана экология боюнча туруктуу комиссиядан «Эмгек» фракциясынын депутаты Досалиев Элмир Акуналыевич;

4) жергиликтүү өз алдынча башкаруу жана коомдук уюмдар менен иштөө боюнча туруктуу комиссиядан «Эмгек» фракциясынын депутаты Абдиев Бактыбек Кемелович. Бишкек шаардык кеңешинин туруктуу комиссияларынын курамына төмөнкү депутаттар кирди:

1) турак жай-коммуналдык чарба, отун-энергетикалык комплекс, транспорт, коммуникациялар жана экология боюнча туруктуу комиссияга: Шаршенбай уулу Руслан — «Эмгек» фракциясынын депутаты; Исмаилов Сайдахмат Аблезович — «Ишеним» фракциясынын депутаты; Абдыллабек уулу Манас — «Өнүгүү-Прогресс» фракциясынын депутаты;

2) муниципалдык менчик, жер маселелери, шаар куруу жана архитектура боюнча туруктуу комиссияга «Эмгек» фракциясынын депутаты Абдиев Бактыбек Кемелович;

3) жергиликтүү өз алдынча башкаруу жана коомдук уюмдар менен иштөө боюнча туруктуу комиссияга «Эмгек» фракциясынын депутаты Досалиев Элмир Акуналыевич.

Булак: NazarNews.kg