Бүгүн, 17-июлда «Zhejiang Loongair Airlines» авиакомпаниясынын Сиань—Бишкек каттамы менен Кыргызстандын 100 жараны келди. Келген жарандардын көбү Кытайдын университеттеринде окуган студенттер экенин тышкы иштер министрлигинин басма сөз кызматы билдирди.

Министрликтин маалыматы боюнча, жүргүнчүлөрдүн тизмеси Кытайда жашаган жана өкүлчүлүк менен байланышта болгон Кыргызстандын жарандарынын кайрылуусу аркылуу түзүлгөн.

Жыйынтыгында Кытайда жүргөн 380 жарандын ичинен 100 адам тез арада өз мекенине кете турганын билдирип, Кытайдын 40ка жакын шаарынан Сиань шаарына чогулушкан.

Булак: NazarNews.kg